ಏನ ಬರಿಯಲಿ ನಾ ಗುರುವಿನ ಮೇಲೆ
ಬರಿಯಲು ಕಲಿಸಿದವರೇ ಅವರೆಂದ ಮೇಲೆ
ಅಯ್ಯೋ ನನಗೆ ಪಾಠವೆಂದರೆ ಬಲು ಕಾಟ
ಸದಾ ಅಲಿಯುತಿರಬೇಕು ಆಡುತ ಆಟ
ಜಾಣ ನಾ ಮಾಡುವೆ ಲೆಕ್ಕವನ್ನೂ ಕಂಠಪಾಠ
ಮೇಸ್ಟರ ಕಂಡರೆ ಸಾಕು ನಾ ಎಲ್ಲಿಗಾದರೂ ಓಟ
ಏನ ಬರಿಯಲಿ ನಾ ಗುರುವಿನ ಮೇಲೆ
ಬರಿಯಲು ಕಲಿಸಿದವರೇ ಅವರೆಂದ ಮೇಲೆ
ಹವ್ಯಾಸೀ ಗುರು ಇವರು ಸಂಸಾರಕ್ಕೆ ನೌಕರಿ
ಗಣಿತ ಬೋಧನೆಯಲ್ಲಿ ಎಲ್ಲರಿಗೂ ಮಾದರಿ
ಮುಂಜಾನೆ ಮುಸ್ಸಂಜೆ ನಡೆಸುತಿದ್ದರು ಜ್ಞಾನದ ಹವನ
ವಿದ್ಯಾರ್ಥಿಗಳೆಂಬ ಒಟುಗಳಿಗಿಟ್ಟು ವಿಧ್ಯಾದಾನ, ಅಜ್ಞಾನ ದಹನ
ಏನ ಬರಿಯಲಿ ನಾ ಗುರುವಿನ ಮೇಲೆ
ಬರಿಯಲು ಕಲಿಸಿದವರೇ ಅವರೆಂದ ಮೇಲೆ
ಪಾಠದೊಂದಿಗೆ ಆಟ ಸೇರಿಸಿ ಸೆಳೆದರೆನ್ನ ಗಮನ
ಮಧ್ಯೆ ಪ್ರಶ್ನೆ ಪರೀಕ್ಷೆಗಳು ಮಾಡಿತಿದ್ದವು ಮಾಪನ
ಬಿದ್ದಷ್ಟೂ ಸಲ ಎಬ್ಬಿಸಿ ನಿಲ್ಲಿಸಿದರೀ ಜ್ಞಾನರೂಪ
ಗುರುವೆಂದರೀನಂದೇ ಅರಿಯದ ನನಗಾದರು ದಾರಿದೀಪ
ಏನ ಬರಿಯಲಿ ನಾ ಗುರುವಿನ ಮೇಲೆ
ಬರಿಯಲು ಕಲಿಸಿದವರೇ ಅವರೆಂದ ಮೇಲೆ
ಹಿಡಿಯುತಿರುವೆ ನಾ ವಿಧ್ಯಾದಾನದ ಹರಕೆ
ಹೀಗಾದರೂ ಗುರುವಿನ ಋಣ ತೀರಿಸುವ ಬಯಕೆ
