ಬಲಾತ್ಕಾರ

ಹೌದು ನನಗಾಯಿತು ಬಲಾತ್ಕಾರ
ನನ್ನ ಬಾಳಲಿ ತುಂಬಿತು ಅಂಧಕಾರ

ಬಲಿತ ಕನಸು ಬಯಕೆಗಳು ನೂರಾರು 
ಕ್ಷಣಮಾತ್ರದಲೇ ಆದವು ನುಚ್ಚುನೂರು
ಬಂಧಿಸಿದವು ಅಪರಿಚತನ ಬಾಹು
ಬದಕಿದ್ದಾಗಲೇ  ಕಂಡಿತು ಸಾವು

ಹೌದು ನನಗಾಯಿತು ಬಲಾತ್ಕಾರ
ನನ್ನ ಬಾಳಲಿ ತುಂಬಿತು ಅಂಧಕಾರ

ಸಮಾಜ ಮರೆಯಿತು ಕೊಡಲು ಸಮಾಧಾನದ ರಕ್ಷೆ
ಹೋದಲ್ಲಿ ಬಂದಲ್ಲಿ ಚುಚ್ಚುಮಾತಿನ ನಿಂದೆ
ಪೋಲಿಸಿರಿಗಿಲ್ಲ ಅವರ ಕೆಲಸದ ಧಕ್ಷೆ
ನನ್ನದಲ್ಲದ ತಪ್ಪಿಗೆ ಪಡಬೇಕಾಯಿತು ಶಿಕ್ಷೆ

ಈ ಸಮಾಜ ಇನ್ನೊಮ್ಮೆ ಮಾಡಿತು ಬಲಾತ್ಕಾರ
ಸಮಾಜ ನನ್ನ ಬಾಳಲಿ ತುಂಬಿತು ಅಂಧಕಾರ

ಉಷೆಯಿಂದ ಉದಯ, ಕತ್ತಲಿಂದ ಬೆಳಕು
ನನ್ನ ಬದುಕಿನಲ್ಲೂ ಬರುವುದೆಂಬ ಚಿಕ್ಕ ಹುರುಪು
ಉಳಿಸುವುದೇ ಈ ಸಮಾಜ ಇವಳ ಆಶಾಕಿರಣ
ಇಲ್ಲ ನಂದಿಸಿ ಮಾಡುವುದೇ ಇವಳ ಬದುಕ ಸ್ಮಶಾಣ ಮೌನ

ನನಗಾಗಿದ್ದು ಕೇವಲ ಬಲಾತ್ಕಾರ
ಅದರ ಹೆಸರಲಿ ಸಮಾಜ ಮಾಡದಿರಲಿ ಮತ್ತೊಮ್ಮೆ ಅತ್ಯಾಚಾರ