ಚಾರಣಿಗರು

ರಾಜು ಸೀನು ಮಾಣಿಯೆಂಬ ಜಾಲಿ ಗೆಳೆಯರು
ವಾರಾಂತ್ಯ ಬಂತೆಂದು ಕಾಡಿಗೊರಟರು

ಗಾಡಿ ತಂದ  ರಾಜು, ಕ್ಯಾಮೆರ ತೆಗೆದ ಸೀನು
ಊಟ, ತಿಂಡಿ, ಚಿಪ್ಸು ,ಬಾಟ್ಲಿ ಇಷ್ಟು ಸಾಲ್ದೇನು
ತಲೆಗೆ ಟೋಪಿ ಹಾಕಿ, ಬ್ಯಾಗನ್  ಗಾಡಿಗ್ ಬಿಸಾಕಿ
ಶಿಳ್ಳೆ ಹೊಡೆದು ಸೆಲ್ಫಿ  ತೆಗೆದು ಕಾಡಿಗೊರಟರು

ರಾಜು ಸೀನು ಮಾಣಿಯೆಂಬ ಜಾಲಿ ಗೆಳೆಯರು
ವಾರಾಂತ್ಯ ಬಂತೆಂದು ಕಾಡಿಗೊರಟರು


ಚಿರು ಯವ್ವನ ಸೌಂಧರ್ಯ , ನಿಶ್ಯಬ್ದದ ಆಂತರ್ಯ
ದಟ್ಟ  ಕಾನನದ ಬೇಲಿಯಲಿ ಮುಗಿಲೆತ್ತರಕ್ಕೆ ಬೆಳೆದ ಇಳೆಯಲಿ
ಧರೆಗೆ  ಝರಿ ಹರಿದುಬರೆ  ಹಸಿರ ನಡುವೆ ಕಾಲುದಾರಿ
ಏರಿ ತುತ್ತ ತುದಿಯ ಹಸಿರು ಹಾಸಿನ  ಸಾಲು, ತಲಪುವುದೇ ದೊಡ್ಡ ಸವಾಲು

ರಾಜು ಸೀನು ಮಾಣಿಯೆಂಬ ಜಾಲಿ ಗೆಳೆಯರು
ವಾರಾಂತ್ಯ ಬಂತೆಂದು ಕಾಡಿಗೊರಟರು

ಬ್ಯಾಕುಪ್ಯಾಕು ಹೊತ್ತು , ನಡುವೆ ಜಲಪಾತದಿ ಮಿಂದು
ಸಿಕ್ಕ  ಟೊಂಗೆ ಹಿಡಿದು, ಕೆಲುವುದ ಮುರಿದು ಕಂಡ ಫೋಟೊ ತೆಗೆದು
 ಚಡ್ಡಿ ಗೆಳೆಯರ ಈ ಗುಂಪು ಸಾಗುತಿದೆ ಮುಂದು
ಕಾಡಿನ ಅನನ್ಯ ಸೌಂಧರ್ಯದಲಿ ತೇಲುತಿದೆ ಇಂದು

ರಾಜು ಸೀನು ಮಾಣಿಯೆಂಬ ಜಾಲಿ ಗೆಳೆಯರು
ವಾರಾಂತ್ಯ ಬಂತೆಂದು ಕಾಡಿಗೊರಟರು

ತುದಿಯ  ತಲುಪಿ ಕೇಕೆ ಹಾಕಿ ಪಟವ  ನೆಟ್ಟರು
ಕುಡಿದು ತಿಂದು ತೇಗಿ ಹಾಡಿ ಮಜವ ಕಂಡರು
ಅಲ್ಲೇ ಬಾಟ್ಲಿ ಒಡೆದು, ಕೂಗಿ ಕಿರುಚಿ ನಲಿದು
ಇದ್ದ ಕಸವ ಅಲ್ಲೇ ಎಸೆದು ಮರಳಿ ಹೊರಟರು