ರಾಜಕುಮಾರಿ

ವರ್ಣಿಸಲೆತ್ನಿಸಿದೆ ನಾ ನಿನ್ನ
                                 ನನ್ನ ಬಿಳಿಯ ಪುಟದಲಿ
ಪದಗಳೇ ಸಿಗಲೊಲ್ಲವು
                                  ಈ ಕನ್ನಡ ನಿಘಂಟಿನಲಿ

ಚಲುವೆ ಎನ್ನೋಣವೆಂದರೆ ಶಿಲಾಬಾಲಿಕೆಯು ಚೆಲುವೆಂದರು
 ಸೌಂಧರ್ಯರಸದಿಂದ ಕಾಳಿದಾಸರು ಶಾಕುಂತಲೆಯ ಬರೆದರು
ಹೊಳೆಯುವ ನಕ್ಷತ್ರವೆನ್ನದಂತೆ ಆಗಸದಿ ಮಿಂಚುತಿವೆ ತಾರೆಗಳು
ಇವೆಲ್ಲವೂ ಮೀರಿಸಿದ ಈ ಸೌಂಧರ್ಯದ ದಾಸನಾದೆ ನಾನು
                                 ಪದಗಳಿಲ್ಲದೆ ಪರಿತಪಿಸಿದೆ ನಾನು

ಭೋರ್ಗೆರೆಯುವ ಜಲಪಾತ ರಮಣೀಯವೆಂದರು
ಕೆಂಪನೆ ಚೆಂಡಿನ ಸೂರ್ಯಸ್ತದ ಸವಿ ಸವಿದರು
ಶಿಖರವೆನ್ನೇರಿ ವನ ಸೌಂಧರ್ಯ ಕಂಡರು
ಆದರೆ ಇವೆಲ್ಲವ ಮರೆಯುವಂತೆ ಮಾಡಿವೆ
                                 ನಿನ್ನೀ ಮುತ್ತಿನ  ನೇತ್ರಗಳು


ನೀನಾಡಿದ ಮಾತುಗಳೇ ಶೃಂಗಾರ ಕಾವ್ಯ
ನೀನಿಟ್ಟ ಹೆಜ್ಜೆ ನೃತ್ಯ ರೂಪಕ
ನೀ ನಡೆದ ಹಾದಿಯೇ ಎನ್ನ ರಾಜಮಾರ್ಗ
ನಿನ್ನೀ ನಗುವೇ ಈ ಜಗಕೆ  ಪ್ರೇಮ ಚುಂಬನ

ಎಷ್ಟು ಬಣ್ಣಿಸಿದರೂ ಮುಗಿಯದೀ ವರ್ಣನೆ
ರೂಪಕ ಸಿಗದು ಮಾಡಿದರೂ ಚಿಂತನೆ
ಕವಿಗಳಿಗೇ ಸವಾಲಾಗಿದ್ದಾಳೆ ಈ ರಾಜಕುಮಾರಿ
ಬಿಡಿಸಲಾಗದ ಒಗಟು , ನನ್ನ ಬಾಳರುವಾರಿ